Byggeforbod i strandsona – ein illusjon

Bygging i strandsona er blitt eit gode for dei få, som kan betale for fagkyndige. Det påståtte byggeforbodet i strandsona er ein illusjon, skriv Bård Magnus Fauske.

Av Bård Magnus Fauske

Bygging i strandsona er blitt eit gode for dei få, som kan betale for fagkyndige. Det påståtte byggeforbodet i strandsona er ein illusjon, skriv Bård Magnus Fauske.

Av Bård Magnus Fauske

Den politiske diskusjonen bygger på feil oppfatning, om at vi har eit byggeforbod i strandsona, skriv landskapsarkitekt MNLA, byplanleggjar og juss-student Bård Magnus Fauske. Her kart frå strandsona i Askøy kommune.

Illustrasjon: Geodata AS, Kartverket, Geovekst og kommunene | Geodata AS - Kartverket

Kommunane dispenserer for bygging i strandsona. Altså set dei reglane til side og opphevar byggeforbodet. Ut få mi lange røynsle, vil eg ta opp ei grunnleggande misforståing av reglane i plan- og bygningslova.

Les du dei slik eg som fagyndig konsulent gjer, då ser du ei oppskrift på korleis sikre byggeløyve i vasskanten. For i plan- og bygningslova §1-8 står det:

«I 100-metersbeltet langs sjøen og langs vassdrag skal det tas særlig hensyn til natur- og kulturmiljø, friluftsliv, landskap og andre allmenne interesser. Andre tiltak etter § 1-6 første ledd enn fasadeendringer kan ikke settes i verk nærmere sjøen enn 100 meter fra strandlinjen målt i horisontalplanet ved alminnelig høyvann. (…) Forbudet etter andre ledd gjelder så langt ikke annen byggegrense er fastsatt i kommuneplanens arealdel eller reguleringsplan, jf. §§ 11-9 nr. 5 og 12-7nr. 2.»

Slik les eg regelen:

1) Ta vare på og sikre omsyna

2) Byggegrense er 100 meter

3) Fastsett ei anna byggegrense i arealplan enn 100 meter

4) Søk byggeløyve

Eller om du søker dispensasjon:

1) Hopp over plankravet

2) Søk dispensasjon frå byggegrensa

3) Sikre omsyna i §1-8

4) Søk byggeløyve

Det er den siste tilnærminga mange vel, og som kommunane legg hand på. Difor har bygging i strandsona blitt eit gode for dei få, som kan betale for eksempel fagkyndige som meg til å hjelpe seg med å få gjennomslag.

Den politiske diskusjonen bygger på feil oppfatning, om at vi har eit byggeforbod i strandsona. Det har vi ikkje. Skal vi sikre verneinteresser, lyt dei fastsetjast i reguleringsplanar som friområde, naturområde, strandsone eller gjennom vern heimla i naturmangfaldlova kapittel 5, altså landskapsvernområde, nasjonalparkar og liknande.

Dei prosessane krev også politiske fleirtal, som sit lenger inne enn å gi byggeløyve.

Det påståtte byggeforbodet i strandsona er ein illusjon.